第六十三回 集腋成裘良緣湊合 移花接木妙計安排
按：周雙珠、周雙玉房間內打茶會客人，乃是賴公子、華鐵眉、喬老四、喬老七四位。喬老四本做周雙珠，遂為小兄弟喬老七叫了周雙玉幾個局，故此四人雖是一起，卻分據兩間房間。及洪善卿同陳小雲來時，賴公子正和周雙珠閑話，雙珠因善卿係熟客，不必急急下去應酬，隻管指東劃西，隨口胡說。周雙玉要央善卿寄信於朱淑人，先自下樓，從周雙寶後房門抄近進去，剛剛聽得陳小雲、周雙寶雲雲，並窺見洪善卿搖手之狀。雙玉猛吃一驚，急欲根究細底，轉念一想，大約朱五少爺定親之事秘密不宣，不可造次。當下邁步搴帷，見了陳小雲、洪善卿，側坐相陪，不露圭角。
隨後雙珠進房，雙玉趁勢仍歸樓上。一直等到晚間客散關門，周雙玉獨自一個往見周蘭，叫聲“無(女每)”。周蘭和顏悅色命其坐下。雙玉宛轉說道：“我做仔無(女每)個討人，單替無(女每)做生意。除仔無(女每)也無撥第二個親人，除仔做生意也無撥第二樣念頭。故歇朱五少爺定仔親，故末就是無(女每)個生意到哉。無(女每)該應去請仔朱五少爺來，等我當麵問俚，阿伯俚勿拿出洋錢撥來無(女每)，無(女每)為啥要瞞我囗？阿是常恐朱五少爺多撥仔耐洋錢，耐客氣勿要嗄？”周蘭道：“勿是瞞耐呀。為仔朱五少爺說，常恐耐曉得俚定仔親，勿快活，教倪（要勿）說起。”雙玉道：“故末無(女每)笑話哉！做我個客人多煞來裏，就比仔朱五少爺再要好點也匆稀奇。阿怕我無撥人討得去，啥個勿快活？”
周蘭聽說亦自失笑，方才將八月底朱淑人聘定黎篆鴻之女，盡情告訴了雙玉。雙玉方才想起兩月以來，時常聽得雙寶嘴裏大老母長，大老母短，原來是調侃我的，心下重重惱怒，忍不住淌眼抹淚，漸放悲聲。
周蘭始酶自己失言，隻見雙玉又道：“我搭阿姐兩家頭，做個生意來孝敬耐無(女每)，無(女每)也匆曾說過倪一句邱話。我就氣匆過雙寶，雙寶生意末一點無撥，拿倪兩家頭孝敬無(女每)個洋錢，買仔飯撥俚吃，買仔衣裳撥俚著，俚坐來浪無啥做。再要想出幾花閑話說倪、笑倪、罵倪！”說著，“嗚嗚”的掩麵而泣。周蘭道：“雙寶陸裏敢罵耐？”
雙玉便縷述雙寶的風裏言風裏語，再添上兩句重話裝點逼真。氣得周蘭一疊聲喊“雙寶”。雙寶戰惕趨至。周蘭不及審察，綽起煙槍兜頭就打。卻被雙玉一手托住，勸道：“無(女每)（要勿）囗，耐故歇打仔雙寶，晚歇撥雙寶加二罵兩聲，無(女每)陸裏曉得！倘然無(女每)喜歡雙寶，也容易得勢，讓雙寶原到樓浪去。我末說撥麼二堂子裏做夥計。無撥個人說我、罵我，我心裏清爽點，也好巴結點做生意，孝敬耐無(女每)。”
周蘭越發生氣，丟下煙槍，問道：“我為啥喜歡雙寶嗄？耐阿姐來浪說，倘忙有辰光生意忙勿過，教雙寶代代局也無啥；勿然末，雙寶早就出去哉（口宛）。我為啥喜歡雙寶嗄？”雙玉冷笑道：“無(女每)，耐嘴裏末說‘讓雙寶出去末哉’，一徑說到仔故歇，雙寶原勿曾出去，倒勿是喜歡雙寶？”周蘭怒道：“故也匆要緊，明朝讓雙寶去，省得耐多說多話！”雙玉道：“無(女每)（要勿）動氣。我搭雙寶才是無(女每)個討人，無啥喜歡勿喜歡，就要出去末，等商量好仔再去，啥要緊嗄？”
周蘭沉吟半晌，怒氣稍平，喝退雙寶，悄問雙玉如何商量。雙玉道：“無(女每)耐自家去算，雙寶進來個身價，就算耐才豁脫仔，也不過三百洋錢。故歐雙寶來裏，生意末無撥，房間裏用場倒同倪一樣哚（口宛），幾年算下來，阿是豁脫仔勿少哉？我替無(女每)算計，勿如讓雙寶出去個好。”周蘭點點頭。雙玉又道：“阿姐個生意好，要雙寶代局。我生意不過實概樣式。雙寶出去仔，倘然阿姐忙匆過，我去代局末哉。”周蘭又點點頭。於是周蘭竟與雙玉定議，擬將雙寶轉賣於黃二姐家，樓上雙珠絕不與聞。
比及明日，周蘭欲令阿珠去黃二姐家打話，雙珠怪問何事，始悉其由。雙珠阻止道：“無(女每)，耐也做點好事末哉！黃二姐個人匆比仔耐，雙寶去做俚討人，苦煞個囗！我說無(女每)耐定歸勿要雙寶末，也該應商量商量。南貨店裏姓倪個客人，搭雙寶蠻要好，倪去請俚來，問聲俚，要討末教俚討仔去。雙寶有仔好場花，倪身價也匆吃虧。無(女每)想阿對？”周蘭領悟，叫回阿珠，轉令阿德保以雙寶名片去南市請廣亨南貨店小開倪客人。雙玉心想如此辦法，倒作成了雙寶的好姻緣，未免有些忿忿；但因雙珠出的主意，不敢再言。