慘慘慘~~~~~~~~~~T_T
第一日翻學就已經咁難挨,以後叫我點讀落去...>_咩個個都唔著衫嘅~~~教授仲話係藝術,線條美窩~~~仲有一幅叫咁鬼長個名,理性唔入睡我都入睡啦!!
終於挨到最後一節課,係去油畫室上課,教授畀咗一套新既畫具畀我,因為奈奈同其他同學行咗先,咁我就雞手鴨腳咁拿住一大乍畫具行去係東校區既美術館喇!
其實哩間學校D環境都唔錯吖,可能係因為美術學校既原因,周圍D花花草草特別多,仲有唔少雕塑之類既嘢.
E+係初秋,D樹葉黃黃綠綠咁,仲有D已經變成橙黃色慢慢飄落離,個天特別高特別藍,D雲都零舍潔白,一團團咁好可愛.望嚇望嚇個天,我又情不自禁咁撚起今朝見過嗰幅畫天空既畫......
-詩甜姐!!!
身後突然有把好大既聲叫我!
-哇~~~~~嚇到我!
乜得我睇嗰幅畫或者撚嗰幅畫都特別易畀人嚇親噶!
-哈哈哈~~~~~詩甜妳撞鬼吖!咁唔COME嚇架!
-頂吖~S人BABY仔!成朝唔見你!失驚無神彈出離!
-鬼咩~~~~尋晚妳地走咗之後我又轉場玩到四點幾先走,今朝尋咗幾節課,畀D主任拉咗我去辦公室審咗我一大餐!
-嗬嗬嗬~~~咁好彩!啊細呢?
-啊細上完上晝D課就翻咗屋K訓喇!妳第一日翻學窩,不如放咗學去大佬Miu間Bar度同妳接風啦!
-傻啦,接乜吖!E+我轉學乍!搞到好似好光榮咁!加上尋日做咗超級夜貓,今日要翻去訓翻個好覺~!!
-哈哈哈哈哈哈~~~~~~~~~`
-笑咩吖你?
-冇咩~~~見倒平時著倒鬼咁型既詩甜E+拿住D畫具懶咁唔斯文咁好搞之嘛~~~``嗬嗬嗬~~~
-仲笑!你五行欠打吖!!!
-我先唔會企係度等打咁蠢吖!
講完,Baby仔就一支箭咁標走咗,臨跑前仲要整個鬼臉先!
-死仔吖!一支畫筆掟S你吖拿!
好似平時打打鬧鬧咁,我好順手咁係D畫具度抽咗支畫筆出離,一飛飛過去BABY仔度.
哩個時候,BABY仔一個轉身跑咗上樓梯,同一時間,另一個人係樓梯行咗落離.
支畫筆不偏不倚咁飛中距心口…….
哇~~~~~~~今暈S喇!唔小心上演咗一幕愛神穿心箭先,飛正人地心口.雖然話平時係出麵就得罪得人多,不過我都唔想第一日翻學就得罪人家嘛!我Dup低頭做咗個好唔好意思既表情.
然後抬頭好唔自然咁對住嗰個人笑咗笑,嘻…..惟有咁啦!
眼前係一個高高瘦瘦既男仔,著住白色既恤衫同啡色既褲,雙手插住袋,不過自己唔夠訓,成日對眼都蒙查查咁,淨係覺得距白白淨,同埋D頭發幾長嚇,長得黎有D淩亂,係夕陽光下好金嚇.
距將其中一隻手係褲袋抽咗出嚟,彎低腰,執起地嚇嗰支畫筆,然後又望一望我.
距行咗過離,單手遞咗支畫筆畀我,冷冷咁講咗句
-畫筆唔係咁用噶.
語氣裏麵雖然冇責備既意思,但係我就覺得好唔好意思,甚至覺得自己個心突然間跳得好快.點解會咁既~~~我冇理由會咁噶窩,平時對住D男仔都懶高鬥咁既,E+竟然有D怕醜...
距真係好高嚇,我都有一米六七左右啦,都係嚟到距膊頭,我撚距至少都有米八掛.EEE~~~~~~距身上仲有一陣好香好好聞既味,好似係BOSS既古龍水窩,距係咪大專D師兄嚟噶呢.......
我定咗係度撚,等我清醒翻既時候,先發覺距都定咗係度等我拿翻支畫筆.
我接過距手中既畫筆,準備講聲唔該既時候,距就插住個袋懶COOL咁行走咗.
係距經過我身邊嗰一刻,嗰陣香味又係距耳邊飄起咗既嗰緝發端度飄過黎.
我呆咗咁望住手中既畫筆,發現哩個人竟然令我覺得,畫筆係一樣好神聖既嘢.