從心去愛你 從感覺愛你
從說話及目光載種出薔嶶
從嘴角吻你 從肩膊吻你
從氣味 熟睡中都記起
庇護你 抱著你 聽著你
（化學課.於後排中...)
ＧＧＧＧＧ ．ＧＧＧ．ＧＧ（飲梗果汁先生嘅聲）
－奈奈~畀D嘢妳睇~
－（睇ING)哇~~~~~咪Azo同妳隻衰婆~HYA HYA HYA~妳S喇~~兩個靜靜雞去影卡~發展到咁嘅階段都唔同我講!幾時開始噶!
－咩幾時開始窩!張卡就前兩個星期影嘅!
－哇~~~~仲要前兩個星期先~得啦~睇你兩個幾親密!點吖~~~?搞到邊一步吖~~?（好邪嘅眼光)
－咩搞搞聲咁難聽!我就係知妳會誤會先咁遲畀妳睇乍!
－乜仲未拖噶咩??
－拖鬼咩!人地當我妹咁噶乍!
－唔係掛~~~~哩個年頭仲搞D啊哥啊妹咁嘅嘢?
－係吖,開始我以為佢講嚇噶乍,不過唔知點解後離同佢傾傾嚇電話,玩玩嚇就佢叫我啊妹,我叫佢啊哥咁咯.
嗰個時候,自己覺得叫佢啊哥有一種畀佢保護嘅感覺,而聽佢叫我啊妹,又覺得佢好錫我咁窩......
都好嘅,有個咁叻咁靚仔嘅啊哥!
－喂~叫咗啊哥就冇發展機會噶喇窩!妳以前都係因為唔中意啊Miu先認佢做大佬噶窩
－頂~~~~~~~今次唔係我話認佢做啊哥架,佢自己話當我妹乍!
－唉~~~~~~我都未見過妳咁嘅,為咗條仔晚晚唔出去玩,留係屋K等佢電話!
－喂~係啊哥吖!
－得喇~啊哥吖嘛!妳自己收好張卡去吖,妳都唔係唔知餘穎條癲婆有病噶啦,都唔知佢點解特別唔抵得妳同Azo一齊咁,妳畀佢發現張卡,到時望都冇得妳望吖!頂~~~不如叫大佬MIU揾班人嚇嚇條8婆啦!
－傻咩,算啦!到時畀Azo見倒兄妹都冇得做吖!
－－－－－－－－－－－－－－－－－－－－－－－－－－－－－－－－－－－－－－－－－－－－－－
要發生嘅嘢點避都避唔倒,隻係古唔到會發生得咁快
同埋,我唔去得罪人,人地會專登撩起我把火
今日中午,我同奈奈,仲有啊細一齊去小賣部,一去到就見倒餘穎係Azo耳邊唔知講D咩
隻係見倒餘穎D表情好似好委屈好慘咁,跟住Azo嘅表情就好震驚咁
－（奈）又係嗰條PK!!!我過去的開佢!
我拉住咗奈奈
－（ME）等陣先.
終於佢地兩個都講完,Azo好愕然咁望住我,定咗係度嗰幾秒變得好漫長
你唔好用D咁嘅眼光望住我啦,我已經知道佢同你講咗D咩,你想鬧我打我都得
但係,唔好用咁嘅眼光望住我
佢終於行咗過離
－妹,上兩個星期係後門見倒妳嗰日,妳係咪用顏料潑餘穎吖?
－（ME）.......
－妳講啦!誤會嚟噶係咪吖?妳同啊哥解釋,啊哥會信妳噶!
－（細）妳條癲婆亂UP也四!妳唔好屈詩甜窩!!!
啊細好大聲咁喝餘穎
－（ME）算啦,細.
－（ME）係吖,係我潑佢嘅,點啊?
－（Azo）妳...妳真係咁做!妳又話應承我乖D嘅!點解吖!
－（ME）佢!佢話我...（唔可以同佢講噶）我中意潑佢就潑佢,中意打佢就打佢!
－（Azo）妳知唔知妳自己好任性好自私吖!妳咁大個人唔該自己撚嚇啦!唔係咩都妳大曬架!
係....我好任性,好自私...我都好想問嚇自己點解會咁樣,為咗乜?
我已經冇嘢好講,都唔可以解釋D乜,的確係我咁做
我好惡咁瞪住餘穎
Azo一路搖頭一路苦笑
－好啦,秦詩甜,我對妳真係好失望吖!
Azo,你知唔知你一句失望,對於我離講就係絕望吖...
聽倒你咁講,我個心真係好痛好痛.從來都未試過嘅痛
原來愛一個人,就係學會傷害人
同時學會畀人傷害
我另轉頭,用剩餘嘅力氣走,
走開哩個困局,走出一個唔應該開始嘅故事