跟住,我地去咗古樹園,睇咗好多千奇百怪嘅書啦;又去咗農莊,自己摘新鮮嘅蔬菜瓜果離整農家菜啦.
成日都不停咁行,一路打打鬧鬧咁遊覽咗好多地方.雖然行到好攰,但內心就充滿咗甜蜜嘅感覺.
一日嘅快樂時光好快就過去,我地行梗落山搭車翻屋K.
我沉默不語,行得好慢好慢,咁樣嘅情景,令我撚起幾米寫嘅一短話:
冬日午後,幽靜的樹林小徑,隻有我們兩個人.
我漸漸放慢腳步,聆聽不知名的鳥叫聲.
你不時回過頭來,露出燦爛的笑容,喚我快快跟上.
望住你熟悉的背影,一股莫名的悲傷突然湧來.
這麼幸福的時刻,可以一直走下去嗎>
我愈走愈慢,愈走愈慢....淚流滿麵
幸福的步道,總是那麼短.
我們可不可以賴著不走.
Azo另轉頭,望住離佢足有三米遠嘅我,嗌
-啊妹,做咩行得咁慢嘅?好攰吖?
-唔係吖......
-做咩冇曬聲出嘅?玩得唔開心咩?
-就係因為太開心,所以......
-傻妹!!吖~~~~~~~妳另轉身睇嚇!
原來身後嘅太陽開始懶洋洋咁行落山.將成個西岸染成醉紅色
望住天邊嘅彩霞,同消亡嘅光,
燦爛咗一日嘅光嘅消亡美麗得令人悲傷
明亮嘅光將山,樹,同小溪同遊人抱係溫暖嘅環抱中,然後鬆開無比溫柔嘅臂膀
慢慢向西方退去
血紅嘅晚霞訴說住離別嘅依依不舍
終於明白嗰一句由細聽到大嘅說話夕陽無限好,隻是近黃昏
原來日落真係會勾起人心底嘅傷感
我地走咗之後,哩度依然會日落日出一千次,一萬次
但係另一個世界,又會有幾多世事變遷
聽日,我就要麵對現實,去解決一D我希望永遠都唔會發生嘅事.
我好清楚Azo未必可以了解我點解咁做,
但我寧願佢誤會,都唔想一個潔白如天使嘅佢,同我一樣變成黑暗嘅魔鬼
佢一直都係我嘅好哥哥,照顧我,關心我
聽日,我就輪到我要保護我嘅天使.
就算畀佢一直誤會,甚至憎恨都冇所謂
-詩甜!?詩甜?做咩呆曬咁嘅?
-冇嘢吖...我地可唔可以係E度企多一陣啊?
-但係就離天黑喇窩!
-企多一陣啦...
-E~!?妳仲帶住嗰條草鏈啊?朵花都殘曬喇!丟咗去啦!
-唔得吖!我要戴住佢!
-傻噶咩,仲想戴埋翻去吖?妳睇嚇?條草都軟曬喇!
講完,Azo輕輕一扯,就扯斷咗我頸上嘅草鏈,隨手丟咗係一邊嘅草叢中
我地係咪都會好似哩條鏈咁,保存期咁短暫,輕輕一扯就會斷