我地即刻趕到去到佬Miu間bar度,一入到去,我地兩個都即時呆咗
本來好別致好整齊嘅酒吧畀人搞到亂七八糟,不堪入目
D台台凳凳爛到麵目全非,橫七豎八咁攤曬係地嚇.
酒櫃裏麵嘅酒同杯全部打爛曬,玻璃碎片周圍都係,爛酒瓶散發住一陣攝人嘅酒氣
牆上麵畀人噴咗黑色同紅色嘅油,畫到花哩花碌
掛係牆上嘅裝飾同油畫同樣畀人整爛曬
仲有其他音響,玻璃門,燈飾,總之可以破壞嘅嘢都無一幸免
我地仲未搞清楚咩事,隻係見倒好地地嘅一間酒吧變成咁,已經覺得好可惜好心痛
啊細同baby仔,Franky,仲有六七個以前跟大佬Miu出離行嘅大家姐同大佬都企曬係度
有D企住係度翹住手望住眼前嘅嘢不斷搖頭,有D擔住口煙好激氣咁,有D就係咁打電話周圍通知D兄弟出咗事
大佬Miu挨住酒櫃坐咗係地嚇,頹廢咁望住畀人掃場之後嘅bar,眼神中除咗絕望,仲有怒火燃燒梗
佢放低以前嘅十幾個堂口,舍棄咗成千人嘅大佬地位,一心一意經營一間bar仔,撚住過D平靜D嘅生活
點知唔知邊條蛋散係都唔放過佢,係要搞到間酒吧爛到無法修補為止
大佬Miu嘅心情我地可以理解,但邊一個都唔可以體會倒,
當時佢一手一腳布置起離嘅心血,係瞬間變成泡沫……佢憤怒嘅程度可想而知.
-家陣金鷹條撲街老凸啊!!咁夠僵走離搞大佬Miu個場!頂佢個肺!!!
Wilson哥好大力咁拍張抬,好激動咁講
自從大佬Miu解散咗班兄弟之後,Wilson哥同幾個大佬一齊打自己嘅”世界”
古唔倒大佬Miu一出事之後,佢地就即刻帶曬D兄弟翻離幫手
原來E單嘢係金鷹嗰件賤種做嘅!!金鷹係大佬Miu仲係出離行嘅時候,隻不過係一隻微不足道嘅坑渠老鼠
卑鄙小家,專做埋曬D陰陰濕濕嘅嘢,冇料學人扮大佬
以前佢一聽到大佬Miu個名,即時Lan屍咁Lan開九條街,家陣聽講佢跟咗Toxic之後,就借佢個名出離為非作歹
佢已經離過幾次話要收大佬Miu保護費,大佬Miu梗係冇放佢係眼內啦
但係為咗間酒吧,都要叫聲佢”金鷹哥”請佢飲支酒,擔支學茄咁
金鷹見倒大佬Miu好似冇佢乎,就越離越肆無忌憚,今次竟然夠膽離掃場!!
我慢慢行過去酒櫃嗰邊,”哞”係大佬Miu隔離,輕聲咁問
-大佬~~你點啊?
其實我哩句話都多餘,大佬Miu恐怖嘅眼神已經話畀所有人知,佢E+係咩感受同埋下一步要做D咩
我撚唔倒一句話可以安慰倒佢,唔通話”算啦~唔爛都爛成咁咯”
哩個”算”字我真係講唔出口,比著係我都吞唔落哩啖氣.何況大佬Miu嘅性格係我地咁多個中最躁最暴烈嘅.
大佬Miu突然執起身邊嘅一個酒瓶,用力咁摔落地嚇