《廣東小兒歌》
呂近溪因《小兒語》成韻，但無意義，於是作《小兒語》一書，借以養蒙，甚有益於童稚也。憶兒時所唱《月光光》、《菱角子》諸歌，皆廣東音韻，惜無意義，習之無益。至於《斑鳩鳩》、《阿鳩鳩》等歌，皆傷風敗俗，兒童萬不可習之。暇日，戲仿呂作而為《廣東小兒歌》。教小兒者，但用廣東土音教之，至易上口。借以笍知善惡，未必靟養蒙之一助也。其音韻全與官韻不同，如“”讀“愛”，“兒”讀“乃”之類，悉加圈以別之。
1.勸孝順
桃花樹，李花樹，紅紅白白開無數，一番大雨一番風，千花萬花一夜空，咋哺看花花正好，今哺看花隻有草。細子大了大人老，孝順爺愛趁早。
2.勸和氣
家務想順遂，弟兄姊嫂愛和氣，阿哥惜老弟，年年有田買。老弟敬阿哥，年年好事多。大嫂惜小郎，年年有錢長。小郎尊大嫂，年年賺元寶。弟兄和氣家唔分，代代都有好子孫。姊嫂和氣家唔敗，子子孫孫福氣大。
3.戒好吃
三六九，趕場走。打平夥，食燒酒。你敬，敬你，錢多錢少唔稀奇。食一台又一台，今場食了二場來。大食當小賭，賣田賣牛牯。
4.戒懶屍
冬瓜花，南瓜花，花謝結成瓜。瓜大把錢賣，人大愛勤快。有錢唔勤愛落魄，冇錢唔勤冇食著。
5.勸忍讓
豬拱豬，狗咬狗。搞唔贏，各人走。人家罵，莫還口；人家打，莫還手。佢惡讓佢惡，惡人冇煞擱。佢歪讓佢歪，歪人惹禍災。情願作揖又磕頭，莫同惡人結冤仇。
6.勸和順
阿鵲叫，來報喜。唔報其它喜，隻報你家內外有規矩，老少有廉恥，賴子順爺子，爺子惜賴子。家娘唔嘮叨，心舅曉盡孝。老的有家教，子孫唔拗爆，弟兄姊嫂唔吵鬧。和氣能生財，勤儉唔倒灶。阿鵲喳喳叫，好人有好報。
7.勸婦女孝友
張大嫂，李大嫂，朝朝起床你愛早，服侍公婆你愛曉。飯愛軟，菜愛好，公婆餐餐食得飽。床要 ，多鋪草，公婆晡晡睡得好。紡棉花，經布草，拿畀公婆做棉襖，家娘講你莫應嘴。姊嫂當成親姊妹，侄子外甥真心待，蒸酒醃菜樣樣會。又勤又儉又耐煩，唔講閑話唔討嫌。老的麵前少過錯，心舅照你樣樣做。
8.勸婦人勤快
斑竹椏，慈竹椏，鄉裏大嫂會當家。日子做莊稼，夜晡紡棉花，又種豆子又種瓜，小菜種了一拉。半夜將上床，下床天吂光。蒸酒酒不酸，醃菜菜又香，喂豬豬會肥，積穀穀滿倉，煮飯唔燒鑊，水水滿缸；家官家娘有酒菜，親戚家門佢會待，好酒好菜送外背，灶頭鑊尾不偷嘴。勤儉過日子，有柴又有米。天幹年辰唔帶賬，迎婚嫁娶有錢使。百斤子得起，一日要走一百幾。問大嫂恁咁快，因為腳板大。
9.戒奸詐
丁丁貓，飛得高，雖然飛得高，也怕遇到黃金雕，奸詐人，耍精靈，也怕奸詐得罪神。精靈唔欺人，有隻好收成，精靈能救人，過有好事情。好收成，好事情，好子好孫滿門庭。男好會做官，女好戴鳳冠。年年買田園，老來添壽延。精靈把人欺，唔如瓜娃子有天理。
10.勸細心舅子
老鴉呱呱，鴨嫲嘎嘎。細心舅子愛聽話，聽話免得挨打罵。莫懶屍，愛勤快，勤快家娘惜。愛幹淨，莫邋遢，邋遢家娘押。愛誠篤，莫撩刁，撩刁家娘惱。愛聽教，莫拗爆，拗爆家娘燥。勤紡線，勤經布，冷天有衫又有褲。學喂豬，學種菜，灶頭鑊尾樣樣會。氣愛忍，話愛少，惹倒是非唔得了。小娘姑，大娘姐，得罪佢了唔起。圓了房，有商量，心舅轉眼做家娘。
11.勸耐貧
春來百花嬌，日出蒙露消。窮人唔消焦，勤儉忠厚會翻梢。讀書盡孝悌，中舉會進士。莊稼勤快做，唔得受饑餓。生理唔奸狡，包你找財寶。幫人唔整人，定遇好事情，幾多舀水唔上灶，幾年工夫時運到。幾多過冬冇襖婆，幾年工夫著綾羅。幾多冇屋住，轉眼當糧戶。哪有窮人終久窮，隻怕作惡天唔容。
12.戒逞能
山高還有天咁高，河深還有海咁深，自家莫講自家會，自家莫話自家精。自家充精靈。一定愛奉承。好人教你氣好大，歹人奉你你偏愛。唔聽好話聽歹話，事情爛做一大壩。做官官愛壞，當家家愛敗。情願認承當瓜瓜，唔充精靈唔敗家。