詩歌平台
作者：賀遠寧
賀遠寧廣州人。畢業於華南師範大學教育學係，小學語文高級教師，專欄作家。現為荔灣區作家協會副主席，廣州市作家協會會員，廣州市文藝批評家協會會員，廣東中華詩詞學會會員，廣東楹聯學會會員。主要著作有《少年誦讀經典係列》、《中華經典一百名句》等。
亞運歌仔大家唱
廣州虎年喜洋洋，
亞運歌仔大家唱。
地鐵新線通車啦，
交通方便人讚賞。
體育場館起好曬，
到時梗係有用場。
著衫戴帽扮靚靚，
城市麵貌變咗樣。
仲有好多誌願者，
熱情服務好商量。
亞運健兒創佳績，
我將鮮花嚟獻上。
祝賀亞運開幕
拍大髀，唱兒歌，
亞運感想一籮籮。
講到嗰日開幕式，
一炮打紅驚喜多。
“大地之水”好親切，
紅棉花開幾十朵。
“海洋之舟”夠激情，
漁家兒女戰風波。
健兒帆屏嚟表演，
吊喺高空驚四座。
亞運會歌叫《重逢》，
聽出耳油名聲播。
各國健兒喜相逢，
一路歡笑一路歌。
火炬點火有特色，
淩波微步走過河。
奧運冠軍接聖火，
點炮仗有細路哥。
最好睇喺放焰火，
火樹銀花相交錯。
亞運節目咁好睇，
快活唔知時日過，
亞洲盛典開始咗，
我哋個個齊祝賀。
劉翔勇奪冠軍
奧體中心田徑場，
今晚點解特別火，
原來嚟咗翔飛人，
我哋梗要睇清楚。
劉翔企喺起跑線，
滿懷信心笑嗬嗬，
聽見發令槍聲響，
迅速起跑欄欄過。
佢似雄鷹展翅飛，
又似仙鶴舞長河，
轉眼已經過終點，
亞運記錄被打破。
回想奧運遇挫折，
克服傷病困難多，
依家飛人又回歸，
勇奪冠軍奏凱歌。
列車上的誌願者
地鐵列車隆隆響，
載住乘客去遠方。
有個姐姐企喺度，
合眼瞓覺唔使床。
姐姐係個誌願者，
佢為亞運站好崗。
工作疲勞少休息，
微笑服務甜過糖。
姐姐姐姐你瞓啦，
最緊要係保健康。
你有乜嘢困難事，
我哋一定幫你忙。
亞殘運震撼點火
排排坐，睇殘運，
點火儀式最感人。
兩位腳殘運動員，
擔起點火嘅重任。
淨用右腳作支撐，
雙手攀登力千鈞。
佢哋輪流舉火炬，
觀眾歡呼聲入雲。
英雄登上點火台，
火炬塔上聖火噴。
好人好姐難做到，
自強不息立功勳。
身殘誌堅多付出，
幾多夢想可成真。