“勿”字篇
小眼眯縫張勿開，嘲人做作嗲勿煞，觸人黴頭死勿特，雞同鴨講碰勿攏，做人落撟吃勿開，嘸人搭腔兜勿轉，兩手一攤勿搭界，黃腔一開勿入調，欺負阿戇勿作興，當心妹妹勿睬儂，事體最嚇勿上勿落，朋友最嚇勿三勿四，看球最嚇勿輸勿贏，辰光最嚇勿尷勿尬，對付領導勿怕伊愁獨怕伊笑，對付群眾勿怕儂凶獨怕儂窮。
【釋義】
落撟：形容心底狹窄，為人不善，處處拆人台的不仗義行為。
例句：搿朋友老落撟額，儂最好還是離伊遠一眼。
勿入調：言語行為低級、三俗。
例句：搿人素質忒差，講發講發就勿入調了喏。
勿作興：怎麼可以這樣，不可以這樣，指明顯違反道德規範的某種行為。
例句：姚明介大隻碼子，欺負人家郭敬明，勿作興額。
“吃”字篇
麻將最怕天吃星，三口一吃就聽張，擱手自摸吃家生，直播最怕吃螺螄，釣魚島……阿……拉呃，再搞請儂吃……生、活。小囡最怕吃頭塔，兩記一敲吃相好，官司最怕大蓋帽，吃好原告吃被告。
吃上風，覅驕傲，吃下風，覅懊惱，吃勿準，慢三秒，吃軋頭，要思考，吃老酸，下趟看人盯盯牢。女人鮮格格當心撥人家吃豆腐，男人吃豆腐要求嚴格點要請伊吃耳光，軋朋友最怕吃彈皮弓，做遊戲最怕吃彈簧屁股。
有種人最怕吃花生米，有種再跟伊好也叫吃回湯豆腐幹。小辰光額冰磚最好吃，小辰光額童謠最難忘：我是一個兵，從小買大餅，吃了一隻蔥油餅，回去生毛病。
【釋義】
天吃星：吃性很厲害的人。
吃家生：挨打，受重創。
吃螺螄：說話或唱歌時出現失誤而停頓。
吃頭塔：打頭頂。
吃上風：運氣好的時候，（工作、事業）順利時。
吃下風：吃上風的反義詞。
吃軋頭：受挫，收到批評。
吃老酸：因某事而尷尬。
吃彈皮弓：要求被拒絕，通常指求愛。
吃回湯豆腐幹：（戀人、夫妻）重歸於好。
彈簧屁股：兒童遊戲中的懲罰行為，數人架起某人，用其臀墩地。
吃花生米：槍斃。
數字篇
有種全部叫一塌刮子，有種佩服叫一帖藥，有種over叫一腳去，有種難尋叫幺二角落，有種不堪叫爛汙三鮮，有種委屈叫三夾板，有種穿幫叫刮三，有種整齊叫的角四方，有種悲摧叫五海六腫，有種誣搞叫七支八搭，有種遙遠叫老裏八早，有種忙亂叫七葷八素，有種搓人額禮貌叫謝謝一家門。
【釋義】略
作風篇
有種拖拉叫牽絲扳藤，有種粗心叫脫頭落襻，有種猶豫叫粘支疙瘩，有種低調叫鬼觸貓臂，有種吝嗇叫狗屄倒糟，有種裝逼叫假癡假呆（讀ai），有種粗魯叫五斤吼六斤，有種欺生叫新開豆腐店，有種魄性叫軋煞老爺有飯吃，有種泄憤叫咬不著卵泡咬卵皮。
【釋義】略
情緒篇
有種心碎叫凹門痛，有種中刀叫吃老酸，有種快意現開銷，有種幽默嘲嘰嘰，有種開心叫眯花眼笑，有種鬱悶叫碰著赤佬，有種反彈叫翻毛腔，有種憤懣叫熬卵，有種失態叫橫豎橫，有種到位叫至真，有種過分胡天野地，有種發春叫吃煞儂愛煞儂，有種詰問叫朋友儂哪回事體啊朋友？！
【釋義】略
長句篇
有種憤怒叫要麼我辣一記要麼，有種揶揄叫吃搿洋秈米發搿糯米嗲，有種抗議叫朋友儂幫幫忙好伐，有種感慨叫今朝算吾碰著赤佬了，有種幻滅叫黃浦江又嘸蓋頭儂去跳好了，有種教育金句叫伊叫儂做儂就做啊格麼伊叫儂吃汙儂吃伐，有種不屑叫嗷喲吾嚇煞特了儂來呀儂勿來儂是吾養額！
【釋義】略
顏色篇
有種麵色夾髎勢白，有種顏色黑鐵墨托，有種角落黑孛隆咚，有種光線暗孛留秋，有種尷尬白板對煞，有種蘿莉雪白粉嫩，有種草地碧綠生青，有種內幕烏漆墨黑，油墩子黃哈哈，螢火蟲綠瑩瑩，夜道關燈墨黜黑，飯米跡足白塔塔，寫字勿好墨團團，蚊子拍死血血紅，彩色翎子接接牢，果皮紙屑莫亂拋，莫亂拋。
【釋義】
夾髎勢白：髎為假借字，左“骨”旁應為“麵”，形容一個人麵色煞白，毫無血色。